Çindən Yeni Avtomobillərin İxracına Sərt Məhdudiyyətlər Tətbiq Ediləcək!
2025-11-17
Son illərdə Çin avtomobil sənayesi qlobal miqyasda sürətli inkişaf nümayiş etdirərək dünyanın ən böyük avtomobil ixracatçısına çevrilib. 2025-ci ilin noyabrın 14-də Çin hökuməti yeni bildiriş yayımlayaraq avtomobil ixracı ilə bağlı qaydaları kəskin şəkildə sərtləşdirdi. Bu dəyişikliklər xüsusilə yeni avtomobillərin ixracı praktikasının qarşısını almağa yönəlib.
MOFCOM-un 2026-ci il 1 yanvar tarixindən qüvvəyə minəcək yeni qanunu (mofcom.gov.cn saytında dərc edilmişdir) xüsusilə "sıfır yürüşlü" avtomobillərin ixracını tamamilə məhdudlaşdırır. Bu qərar həm Çindəki ixracatçılara, həm də Çin avtomobillərini idxal edən ölkələrə ciddi təsir göstərir. Dəyişikliklər ümumilikdə avtomobil ixracına, sənədləşmələrə və logistika proseslərinə əsaslı təsir göstərəcək.
Ardınca AP News, Bloomberg və Reuters kimi beynəlxalq media qurumları xəbəri geniş şəkildə ictimailəşdirib. Çin hökuməti bu sahədə ixracatçıların yeni avtomobilləri sərfəli qiymətə xaricə göndərməsinə imkan verməyəcək. Yerli hakimiyyət orqanlarından qaydaları pozan şirkətlərin siyahısını tutmaq və ixrac sənədlərində təqdim olunan məlumatların doğruluğuna diqqətlə nəzarət etmək istənilib.
Yeni Qaydaların Əsas Maddələri
Bir avtomobil yalnız Çində rəsmi şəkildə qeydiyyata alındıqdan sonra “istifadə olunmuş” sayılır.
Zavoddan çıxıb heç vaxt qeydiyyata düşməyən avtomobil heç bir halda “second-hand” kimi ixrac edilə bilməz.
Ticarət Nazirliyinin və digər qurumların verdiyi qaydalara əsasən , qeydiyyatı 180 gündən az olan avtomobilləri ixrac etmək istəyən şirkətlər təyinat yerində satış sonrası xidmətlər göstərə biləcəklərini sübut etməlidirlər. Bu, əslində istehsalçının rəsmi distribyutor şəbəkəsinin razılığı olmadan yeni avtomobillərin qeyri-rəsmi kanallarla ixracını çətinləşdirəcək.
Bu, tələblərə cavab verməyən avtomobillərin ixrac lisenziyalarını ləğv ediləcək. əslində Çin istehsalçılarının xaricdəki rəsmi diler şəbəkələri istisna olmaqla, fərdi idxalçılar tərəfindən yeni avtomobillərin çıxarılmasını qeyri-mümkün edir. Çin Ticarət Nazirliyinin (MOFCOM) rəhbərliyi ilə bir neçə dövlət qurumu tərəfindən qəbul edilən yeni tənzimləmələr, avtomobil ixracatçıları üzərində nəzarəti misli görünməmiş dərəcədə gücləndirir.
Yeni nəzarət sistemi tətbiq olunur
Reuters-in məlumatına görə:
Çin hökuməti ixrac prosesində yeni elektron yoxlama sistemi qurur – avtomobilin:
• istehsal tarixi
• sahiblik tarixi
• yürüşü
• qeydiyyat statusu
real zamanlı olaraq yoxlanacaq..
Beləliklə Rusiya, Mərkəzi Asiya,Yaxın Şərq bə o cümlədən Azərbaycan kimi bazarlara idxalçı şirkətlər tərəfindən gətirilən yeni Çin avtomobillərinin həcmi kəskin azalacaq. Bu qanunların sərtləşdirilməsi ilə, idxalçı ölkələrdə (o cümlədən Azərbaycanda) əvvəllər ucuz qiymətə satılan yeni Çin avtomobillərinin (xüsusən də elektrikli nəqliyyat vasitələrinin) qiymətləri, əlavə rüsum və vergilərlə kəskin bahalaşacaq.
Referans
Management of Used Car Exports
bloomberg.com/china-cracks-down-on-exports-of-used-cars-that-are-actually-new?
reuters.com/china-tighten-oversight-new-cars-exported-used-vehicles
Aydın Səfərov
